काठमाडौं । भारतका प्रतिष्ठित व्यवसायी रतन टाटाको निधन भएको छ ।
दुई दशकभन्दा बढी समयदेखि टाटा समूहको नेतृत्व गरेका उनको ८६ वर्षको उमेरमा निधन भएको हो ।
टाटा भारतको अन्तर्राष्ट्रिय मान्यता प्राप्त व्यापार नेताहरूमध्ये एक थिए ।
टाटा समूह भारतको सबैभन्दा ठूलो कम्पनी हो । उनको निधनले टाटा ग्रुपलाई अपूरणीय क्षति भएको ग्रुपले विज्ञप्ति जारी गरेर भनेको छ ।
टाटा ग्रुप रतन टाटाका जिजुबाले करिब शताब्दी अगाडि स्थापना गरेका थिए ।
