एजेन्सी । बलिउड अभिनेता गोविन्दा खुट्टामा गोली लागेर घाइते भएका छन् । उनलाई आफ्नै रिभल्भरले गोली लागेको थियो ।
गोली चल्दा उनले कपाटमा रिभल्भर राखेका थिए । घटना मंगलबार बिहान करिब ४ः४५ बजे भएको हो ।
शल्यक्रियापछि उनको खुट्टाबाट गोली निकालिएको छ । अभिनेता अहिले खतरामुक्त छन् ।
घटना हुँदा गोविन्दा घरमा एक्लै थिए । उनीसँग लाइसेन्स प्राप्त रिभल्भर छ । रिभल्भरबाट अकस्मात गोली चलेको थियो, जुन उनको खुट्टामा लागेको थियो ।
यस विषयमा कुनै उजुरी परेको छैन । यस मामिलामा शंकास्पद केही छैन ।
उनलाई उपचारका लागि अंधेरीस्थित कृति केयर अस्पतालमा भर्ना गरिएको छ । अस्पताल स्रोतका अनुसार प्रारम्भिक उपचारपछि गोविन्दा अहिले खतरामुक्त छन् । उनको छोरी टीना (नर्मदा) अहिले उनीसँगै अस्पतालमा छिन् ।
दुर्घटना हुँदा उनकी श्रीमती सुनिता आहुजा बाबा खातुश्यामको दर्शन गर्न जयपुर गएकी थिइन् ।
