काठमाडौं । यातायात व्यवसायीले दशैँलाई लक्षित गर्दै खुलाइएको अग्रिम टिकट बुकि बन्द गर्ने तयारी गरेका छन् ।
असोज ११ र १२ गतेको भारी बर्षासँगै आएको बाढीपहिरोपछि राजमार्गमा भएको क्षतिका कारण सवारी आवागमनको समय तालिका बदलिएकोले अग्रिम बुकिङ बन्द गर्ने तयारी गरिएको नेपाल यातायात राष्ट्रिय व्यवसायी महासंघका वरिष्ठ उपाध्यक्ष सरोज सिटौलाले जानकारी दिए ।
यातायात व्यवस्था विभागको आज दिउँसो बस्ने बैठकले उक्त कुराको निर्णय लिनसक्ने उनले बताए । ‘अहिले तीन बजे विभागसँग बैठक बस्दैछौं । अहिलेको अवस्थाले अब गाडी आउन सक्ने अवस्था छैन। बैठकपछि थप निष्कर्षमा पुगिएला । त्यसपछि साँझ विज्ञप्तिमार्फत जानकारी गराउँछौं’’, उनले भने ।
चाडबाडमा घर फर्किनेहरूका लागि व्यवसायीले यही असोज १२ गतेबाट अग्रिम टिकट खुल्ला गरिएको थियो । सोमबारदेखि काठमाडौं बसपार्कदेखि सवारीसाधन सञ्चलान गरिए पनि गन्तव्यमा पुग्न सकेका छैनन् ।
