काठमाडौँ । अविरल वर्षासँगै गएको पहिरोले राजमार्गहरू अवरुद्ध हुँदा चार दिनदेखि काठमाडौँमा रोकिएका गाडीहरू आजदेखि छुट्न थालेका छन् ।
काठमाडौँको नयाँ बसपार्क लगायत विभिन्न स्थानबाट केही सवारी साधनहरू छुट्न थालेका हुन् ।
चार दिनदेखि निरन्तर सडक अवरुद्ध हुँदा एक हजारभन्दा बढी सवारी साधन रोकिएका थिए । टिकट काटेर पनि काठमाडौँमै रोकिएका
यात्रुहरूलाई गन्तव्यमा पुर्याउन थालिएको नेपाल राष्ट्रिय यातायात व्यवसायी महासंघका वरिष्ठ उपाध्यक्ष सरोज सिटौलाले जानकारी दिए ।
असोज ११ र १२ गतेको अविरल बर्षाका कारण पृथ्वीराजमार्गको झ्याप्ले खोलालगायत विभिन्न स्थानमा पहिरो गएर सडक अवरुद्ध भएको थियो ।
