काठमाडौँ। पूर्व जलस्रोतमन्त्री दीपक ज्ञवालीले उर्जा क्षेत्रको विकासका लागि विद्युत ऐनलगायत कानूनलाई समयानुकुल बनाउन जरुरी रहेको बताउनुभएको छ ।
सामुदायिक विद्युत उपभोक्ता राष्ट्रिय महासंघ नेपालको २२ औँ स्थापना दिवसको अवसरमा सोमवार काठमाडौंमा आयोजित कार्यक्रममा बोल्दै उहाँले यस्तो बताउनुभएको हो । उहाँले उर्जासम्बन्धी ऐन तथा कानूनहरुमाथि छलफल गराउन सबै राजनीतिक दल र सांसदहरुमाथि आवश्यक दबाब सिर्जना गर्न आवश्यक रहेको पनि बताउनु भयो ।
उहाँले उर्जा क्षेत्रको विकासका लागि छुट्टै छाता ऐन आवश्यक रहेको पनि बताउनु भयो । नेपाल विद्युत प्राधिकरणको ‘नेट बिलिङ’ प्रणालीले सौर्य ऊर्जा उत्पादक उपभोक्तामाथि अन्याय भएको पनि बताउनु भयो । उहाँले ‘नेट मिटरिङ’ लागू नगर्दा उपभोक्ताले लगानीअनुसार प्रतिफल नपाएको उहाँको भनाइ छ ।
उहाँले भन्नुभयो, ‘ सामुदायिक विद्युत महासंघले परिकल्पना गरेको ऐनमाथि छलफल गराउनुपर्ने चुनौती छ । आफ्नो क्षेत्रका सांसदहरुको घाँटी समात्नुप¥यो । कानून मन्त्रालयको भरमा मात्र राम्रो ऐन आउँदैन । त्यसकारण हामीलाई एउटा छाता उर्जा ऐन चाहिएको छ । म आफ्नै पाटनको घरमा ६ किलोवाटको सोलारको उत्पादक हुँ । ‘टु वे मिटरिंग‘ हालेर मलाई विद्युत प्राधिकरणले ठगेको छ । किनभने नेट मिटरिंग छैन नेट बिलिङ छ । हामी सोलारमा इन्भेष्ट उपभोक्ताहरुलाई ठगिएका छन् ।’
उहाँले वन क्षेत्रको संरक्षणसँगै सदुपयोग गर्न आवश्यक रहेको बताउनु भयो । –न्युज एजेन्सी नेपाल
