काठमाडौँ । काठमाडौंबाट लमजुङ जान लागेको यात्रुबाहक हायस गाडी काठमाडौंको शिवपुरीका दुर्घटना भएको छ ।
नागढुंगा मुनि झ्याप्लेखोलामा पहिरो गएर सडक अवरुद्ध भएपछि सो बाटोको विकल्पको रुपमा टोखा नुवाकोटको गँगटे हुँदै गल्छी जान लागेको हायस शिवपुरीमुनी चापाबोट भन्ने ठाउँमा दुर्घटना भएको हो ।
ग १ ख ४५३५ नम्बरको हायसमा चालकसहित १८ जना सवार थिए ।
दुर्घटनामा घाइते ११ जनालाई उपचारको लागि काठमाडौं लगिएको र घटनास्थलमा उद्धार जारी रहेको प्रहरीले जनाएको छ । थप विवरण आउन बाँकी छ ।
