बागलुङ । सहकारी ठगीमा फरार रहेका ढोरपाटन नगरपालिकाका मेयर देवकुमार नेपालीलाई पक्राउ गरिएको छ ।
इन्टरपोलमा रेड नोटिस जारी भएका उनी भारतीय प्रहरीको सहयोगमा नयाँदिल्लीमा पक्राउ परेका हुन् ।
भारतस्थित नेपाली दूतावासबाट समन्वय गरेर उनलाई नेपाल ल्याउने तयारी गरिएको नेपाल प्रहरीका एक उच्च अधिकारीले बताए ।
इमेज सहकारीका संस्थापक अध्यक्ष रहेका नेपाली बचतकर्ताको २ अर्बभन्दा बढी अपचलन गरेको आरोपमा अनुसन्धान सुरू भएपछि फरार भएका थिए ।उनीविरुद्ध १२ माघ ०८० मा रेड कर्नर नोटिस जारी भएको थियो ।
