९ आश्विन २०८१, बुधबार
,
Latest
पूर्वसभामुख अग्नि सापकोटाको मुद्दामा अन्य आदेश उच्चस्तरीय व्यवस्थापन समूहको बैठकः साझा कार्यक्रमलाई कार्यान्वयन गर्दै अघि बढ्ने निर्णय दुर्गा प्रसाईंलाई थप ५ दिन हिरासतमा राख्न अदालतको अनुमति आशिका तामाङविरुद्ध प्रहरीमा जाहेरी आर्थिक वृद्धि र जीवनस्तर सुधारका लागि यातायात पूर्वाधार अत्यावश्यक: अर्थमन्त्री पौडेल संविधानको मर्म र भावना विपरित अधिकारहरु कटौती गर्दैनौँ: कार्यवाहक प्रधानमन्त्री सिंह नेपालको ओडीआई वरीयता खस्कियो जन्मदिनको अवसर पारेर लोमश शर्माले सार्वजनिक गरे लोकगीत ‘अल्ली नजिक सरिदेउन’ ‘प्रेम गीत ३’ ‘सिनेमाघर’मा रिलिज, अब ल्यापटप र डेस्कटपमा पनि हेर्न मिल्ने पूर्वाग्रह साथ पक्राउ नगर्न र पक्राउ गरिएका प्रति मानवोचित व्यवहार गर्न आयोगको आग्रह
तपाईं के खोज्दै हुनुहुन्छ ?

राष्ट्रिय एकताका लागि खेल र सांस्कृतिक क्षेत्रको भुमिका महत्वपूर्ण: अध्यक्ष दाहाल



अ+ अ-
काठमाडौँ । नेकपा(माओवादी केन्द्र)का अध्यक्ष पुष्पकमल दाहालले राष्ट्रिय एकताका लागि खेल क्षेत्र र सांस्कृतिक क्षेत्रको महत्वपूर्ण भुमिका हुने बताउनुभएको छ ।
बुधवार अखिल नेपाल चेस एशोसिएशनको आयोजनामा भएको एफ।एम। सुजेन्द्रप्रसाद श्रेष्ठ प्रथम स्मृति भेट्रान राष्ट्रिय चेस प्रतियोगिता २०८१ उद्घाटन समारोहमा बोल्दै अध्यक्ष दाहालले यस्तो बताउनुभएको हो । उहाँले आफूले पहिलोपटक प्रधानमन्त्री हुँदादेखि नै खेल र सांस्कृतिक क्षेत्रलाई विशेष ध्यान दिइरहेको बताउनु भयो । उहाँले खेलकुदको माध्यमबाट राष्ट्रिय एकताको प्रवद्र्धन हुने बताउनु भयो । खेल क्षेत्र समाजमा अनुशासन र मर्यादा कायम गर्ने महत्वपूर्ण रणनीतिक क्षेत्र भएको उहाँले उल्लेख गर्नुभयो । उहाँले सांस्कृतिक क्षेत्रले पनि देशका सबै जातजाति, भाषाभाषि, क्षेत्र, वर्ग, समुदायलाई एउटै सूत्रमा बाँधेर राष्ट्रिय एकतालाई प्रवद्र्धन गर्ने बताउनु भयो ।
उहाँले भन्नुभयो – ‘मैले गणतन्त्र नेपालको पहिलो प्रधानमन्त्री भएदेखि नै दुईवटा क्षेत्रमा मेरो विशेष रुपले, राजनीति र विकास निर्माणको क्षेत्र बाहेक दुईवटामा मेरो विशेष ध्यान थियो र अहिले पनि छ । एउटा, खेलकुद नै हो । खेलकुदको माध्यमबाट राष्ट्रिय एकता प्रवद्र्धन गर्ने, देशको विकास र समृद्धिको एउटा नयाँ यात्रा शुरु गर्ने, समाजमा अनुशासन र मर्यादा कायम गर्ने एउटा विधितिर समाजलाई लैजाने महत्वपूर्ण रणनीतिक क्षेत्र खेल क्षेत्र हो भन्ने मेरो बुझाइको कारणले मैले खेललाई उच्च प्राथमिकता दिँदै आएको छु । अर्को संस्कृतिको क्षेत्र हो ।’
‘किनकी संस्कृतिले पनि देशलाई जोड्न, हाम्रो देशका सबै जातजाति, भाषाभाषि, क्षेत्र, वर्ग, समुदाय सबै संस्कृतिलाई एउटै सूत्रमा बाँध्न र राष्ट्रिय एकतालाई प्रवद्र्धन गर्न र त्यसरी विकास, समृद्धिको नयाँ यात्रा सुरु गर्ने क्षेत्र पनि हो भनेर मैले सांस्कृतिक क्षेत्रलाई पनि । मैले पहिलो पटक प्रधानमन्त्री हुँदा यसको निम्ति एउटा अक्षय कोष होस् भनेर मैले दिल खोलेर सांस्कृतिक क्षेत्रलाई सहयोग गरेको छु । किनकी यि दुईवटै क्षेत्र राष्ट्रिय एकताको लागि, अनुशासनको लागि, समाजमा मर्यादा कायम गर्नका लागि महत्वपूर्ण क्षेत्र हुन् भन्ने मेरो बुझाई हो ।’
उहाँले नेपालले अन्तर्राष्ट्रिय खेल प्रतियोगिताहरुमा पनि पदक हासिल गर्न सफल भएको भन्दै यस वर्ष कहिल्यै नर्बिसने वर्ष बन्न गएको बताउनु भयो । उहाँले चेस प्रतियोगिता पनि बिस्तारै देशको खेल क्षेत्रमा महत्वपूर्ण प्रतियोगिताको रुपमा स्थापित हुने विश्वास व्यक्त गर्नुभयो ।