काठमाडौं । महान्यायाधीवक्ता कार्यालयले क्रिकेटर सन्दीप लामिछानेविरुद्ध सर्वोच्च अदालतमा पुनरावेदन दिने निर्णय गरेको छ ।
बलात्कार मुद्दामा उच्च अदालत पाटनले दिएको सफाइविरुद्ध महान्यायाधीवक्ता कार्यालयले सर्वोच्च जाने निर्णय गरेको हो ।
उच्च सरकारी वकिलको कार्यालय पाटनले मुद्दाको फैसलाको पूर्णपाठसँगै फैसला विरुद्ध पुनरावेदन गर्नुपर्ने भनी राय तयार पारेको थियो । उक्त फाइलको अध्ययनपछि महान्यायाधीवक्ता कार्यालयले मुद्दाको पुनरावेदन गर्ने निर्णय गरेको हो ।
गौशाला २६ ले भने सन्दिपविरूद्ध बलात्कारको मुद्दा अघि नबढाउन उच्च सरकारी वकिल कार्यालय पाटन पुगेर निवेदन दिएकी थिइन् ।
अब सन्दिपले सर्वोच्च अदालतमा सामना गर्नुपर्ने हुन्छ। हाल उनी आईसीसी लिग-२ खेल्न क्यानडामा छन् ।
