काठमाडौँ । सहकारीको रकम हिनामिनाबारे गठित संसदीय छानबिन समितिले प्रतिवेदन सार्वजनिक भएको छ ।
प्रतिनिधि सभाको वेबसाइटमार्फत सार्वजनिक प्रतिवेदनमा विभिन्न सहकारीबाट गोरखा मिडिया नेटवर्कमा २२ करोड ४६ लाख ३० हजार रुपैयाँ कानुन विपरीत गएको उल्लेख गरेको छ ।
एमाले सांसद सूर्य थापा संयोजकत्वको छानबिन समितिले सूर्यदर्शन, सुप्रिम, सानो पाइला, स्वर्णलक्ष्मी, समानता, सहारा सहकारीबाट गोर्खा मिडियाका अध्यक्ष गितेन्द्रबाबु (जीबी) राईले उक्त पैसा मिडियामा लगेका उल्लेख गरेको छ ।
शुक्रबार सार्वजनिक भएको प्रतिवेदनमा लेखिएको छ, ‘राईले विभिन्न आफन्तको नाममा प्रचलित सहकारी कानुन विपरीत ऋण तथा पेस्की गरी जम्मा रु। २ अर्ब ५८ करोड बराबरको रकम पठाई अपचलन भएको पाइएको छ ।’
प्रतिवेदन अनुसार ६५ करोड ५४ लाख ४ हजार ५३८ रुपैयाँ गोर्खा मिडिया नेटवर्क प्रालिको खातमा जम्मा राईले जम्मा गरेका पाईएको छ ।
