काठमाडौं। बिहिबार दरबारमार्गमा संविधान दिवसका अवसरमा भएको कन्सर्टमा प्रधानमन्त्री केपी शर्मा ओलीविरुद्ध नाराबाजी गर्ने एक युवा ज्यान मुद्दाका फरार अभियुक्त रहेको पाईएको छ ।
नाराबाजी गरेपछि पक्राउ परेका तिलक खड्का ज्यान मुद्दामा फरार रहेको पाइएको काठमाडौं प्रहरी परिसर प्रवक्ता नवराज अधिकारीले जानकारी दिए। बझाङको मस्टा-३ घर भई हाल माछापोखरीमा बस्दै आएका खड्कालाई पुरानो मुद्दाको आवश्यक कारबाहीका लागि अदालत उपस्थित गराइने उनले बताए ।
खड्कासँगै पक्राउ परेका अन्य तीन जनालाई भने शुक्रवार छाड्ने प्रहरीको तयारी रहेको प्रवक्ता अधिकारीले बताए ।
बिहिबार नेशनल डे कन्सर्टमा बालेनको नारा लगाएपछि प्रहरीले ४ जनालाई नियन्त्रणमा लिएको थियो । उनीहरुले प्रधानमन्त्रीले सम्बोधन गर्ने बेला प्रधानमन्त्री ओलीको नाम लिएर अश्लील नाराबाजी र हुटिङ गरेका थिए ।
