विराटनगर । कोशी प्रदेशका मुख्यमन्त्री हिक्मतकुमार कार्कीले विश्वासको मत पाएका छन् ।
बुधबार बसेको प्रदेश सभा बैठकमा उनले राखेको विश्वासको मतसम्बन्धी प्रस्तावको पक्षमा ६६ मत परेको छ ।
प्रदेश सभामा ८३ सांसद उपस्थित रहेकोमा विपक्षमा १५ मत परेको छ । नेकपा एकीकृत समाजवादी भने मत विभाजनको प्रक्रियामा सामेल नै भएन ।
उनले पहिलो पटक वैशाख ३१ गते विश्वासको मत लिएका थिए । गत भदौ १४ गते माओवादी केन्द्रले सरकारलाई दिएको समर्थन फिर्ता लिएपछि उनले फेरी विश्वासको मत लिएका हुन् ।
