एजेन्सी । बंगलादेशले क्रिकेट इतिहासमा पहिलो पटक पाकिस्तानविरुद्धको टेस्ट सिरिज जितेको छ ।
खेलको अन्तिम दिन मंगलबार रावलपिण्डीमा भएको दोस्रो खेलमा टोलीले पाकिस्तानलाई ६ विकेटले पराजित गरेको हो ।
बंगलादेशका लागि लिटन दासले पहिलो इनिङ्समा शतक बनाए ।
बंगलादेशले पनि पहिलो टेस्टमा पाकिस्तानलाई १० विकेटले पराजित गर्दै ऐतिहासिक जित दर्ता गरेको थियो ।
योसँगै नजमुल हुसेन शान्तोको कप्तानीमा रहेको टोलीले दुई खेलको टेष्ट सिरिज २–० ले जितेको छ ।
यसअघि दुई टोलीबीच ५ टेस्ट सिरिज खेलिएको थियो जसमा सबै पाकिस्तानले जितेको थियो । दुवै टोलीले सन् २००१ मा पहिलो पटक टेस्ट खेलेका थिए ।
