काठमाडौँ । कुमारी बैंक सहित नेपाल स्टक एक्सचेञ्ज लिमिटेड (नेप्से) मा सूचीकृत ३ कम्पनीको शेयर मूल्य समायोजन भएको छ । कुमारी बैंकले शेयरधनीहरुलाई प्रदान गर्ने १०.८५ प्रतिशत बोनस शेयर पछि प्रतिशेयर मूल्य २७३ रुपयाँ कायम गरिएको नेप्सेले जनाएको छ । यसअघि बैंकको प्रतिशेयर मूल्य ३०३ रुपियाँ रहेको थियो भने मूल्य समायोजन पछि सोमबार (आज) को शेयर कारोबार २७३ रुपियाँबाट शुरु हुने जनाएको छ ।
रिडी हाइड्रोपावर डेभलपमेन्ट कम्पनीको शेयर मूल्य पनि आजै समायोजन भएको छ । कम्पनीले शेयरधनीहरुलाई दिन ५ प्रतिशत बोनस पछि प्रतिशेयर मूल्य १६८ रुपियाँ कायम गरिएको छ । यसअघि कम्पनीको प्रतिशेयर मूल्य १७६ रुपियाँ रहेको नेप्सेले जनाएको छ । त्यसैगरी साल्ट ट्रेडिङ कर्पोरेशनको शेयर मूल्य पनि समायोजन भएको छ । कम्पनीले शेयरधनीहरुलाई प्रदान गर्ने २५ प्रतिशत बोनस पछि प्रतिशेयर मूल्य ६ हजार कायम गरिएको छ । यसअघि प्रतिशेयर मूल्य ७ हजार ५०० रुपियाँ रहेको थियो ।
