काठमाडौँ । वोमी लघुवित्त वित्तीय संस्था लिमिटेडले ३० प्रतिशत लाभांश दिने घोषणा गरेको छ । मंगलबार (हिजो) दिउँसो बसेको सञ्चालक समितिको बैठकले आव २०७६÷७७ को नाफाबाट हाल कायम चुक्ता पूँजीको ३० प्रतिशत बोनस शेयर प्रस्ताव गर्ने निर्णय गरेको प्रमुख कार्यकारी अधिकृत तथा कम्पनी सचिव प्रमेश आचार्यले बताउनु भएको छ ।
कम्पीको हाल कायम चुक्ता पूँजी २७ करोड ७८ लाख ४८ हजार रुपियाँ रहेको छ । राष्ट्र बैंकबाट स्वीकृति र आगामी साधारण सभाबाट पारित भएपछि लाभांश वितरण गर्ने कम्पनीले जनाएको छ ।वोमी र नागरिक लघुवित्त एकआपसमा मर्जर भई एकीकृत कारोबार समेत शुरु भइसकेकाले आयकर ऐन बमोजिम बोनस शेयरमा लाग्ने कर छुटको सुबिधा समेत उपयोग गरिने कम्पनी सचिव आचार्यले बताउनु भयो ।
