काठमाडौं । कोरोना प्रभावित ऋणीहरुले ६ महिनासम्म ब्याज तिर्न नसके पनि धितो लिलामी भने नहुने भएको छ । राष्ट्र बैंकले भने, ‘कोभिड–१९ को असर परेका ऋणीको ६ महिना भन्दा बढीको ब्याज बक्यौता नरहेको अवस्थामा धितो लिलामी जस्ता प्रक्रिया केही समयसम्मका लागि स्थगन गर्नु पर्ने व्यवस्था गरिनेछ ।’
राष्ट्र बैंकले मौद्रिक नीतिमा भने अनुसार कोरोनाका कारण धितो लिलामी हुने अवस्थामा पुगेका हजारौं ऋणीहरुले केहि समयका लागि राहत पाउनेछन् । नेपाल राष्ट्र बैंकले मौद्रिक नीतिको त्रैमासिक समिक्षा मार्फत कोरोना प्रभावित ऋणीहरुले ६ महिनासम्म ऋणको ब्याज तिर्न नसकेको अवस्थामा केहि समयका लागि धितो लिलामी जस्ता प्रक्रिया स्थगन गर्नुपर्ने व्यवस्था गरेको हो ।
