काठमाडौँ । इन्फिनिटी लघुवित्त वित्तीय संस्थाले शेयरधनीहरुलाई १५ प्रतिशत लाभांश दिने घोषणा गरेको छ । कम्पनीको हाल कायम चुक्ता पूँजी २२ करोड ८१ लाख ४० हजार रुपियाँ रहेको छ ।
शुक्रबार बसेको सञ्चालक समितिको बैठकले आव २०७६/७७ सम्मको वितरणयोग्य नाफाबाट हाल कायम चुक्ता पूँजीको १४.२५ प्रतिशत बोनस शेयर र ०.७५ प्रतिशत नगद लाभांश (बोनस शेयरमा लाग्ने कर प्रयोजनका लागि) प्रस्ताव गर्ने निर्णय गरेको प्रमुख कार्यकारी अधिकृत तथा कम्पनी सचिव प्रवीणकुमार लामाले जानकारी दिनुभयो ।
सञ्चालक समितिले प्रस्ताव गरेको लाभांश राष्ट्र बैंकको स्वीकृति र आगामी साधारण सभाले पारित गरे पछि वितरण गर्ने कम्पनी सचिव लामाले बताउनु भएको छ।
