काठमाडौँ । खोटाङकी २३ वर्षिया एन्जल राईले ‘मिस मंगोल नेपाल २०२४’ को उपाधि जितेकी छन् ।
राईले उपाधिसहित एक लाख रुपैयाँ पुरस्कार प्राप्त गरेकी छिन् । साथै, एन्जलले प्रभु बैंक, नेपाल आदिवासी जनजाति महासंघ, रिडी ग्रुप लिमिटेड एवं नेपाल क्यान्सर निवारण प्रतिष्ठानको सद्भावना दूत भई काम गर्ने अवसर समेत पाएकी छन् ।
नेपाल आदिवासी जनजाति महासङ्घको सहकार्यमा रिडी ग्रुपको प्रस्तुति रहेको प्रतियोगितामा पाँचथरकी बिपिका लिम्बु फष्ट रनर अप र बाराकी शाहिशा राईले ‘मिस मंगोल मधेस’ सहित सेकेन्ड रनर अपको उपाधि चुम्न सफल भएका छन् ।
प्रतियोगितामा वरिष्ठ चलचित्र निर्देशक एवं अभिनेता नीर शाह प्रमुख निर्णायक,संस्कृतिविद् डा. भक्त राई, हास्य कलाकार मनोज गजुरेल, पूर्व मिस मंगोल जाङमु इन शेर्पा, शिक्षासेवी एवं प्याजेन्ट कोज पूर्ण लामा र स्टाफ कलेज पुल्चोकका डेपुटी डाइरेक्टर शिवहरि अधिकारी निर्णायक रहेका थिए ।
