काठमाडौँ । त्रिभुवन अन्तर्राष्ट्रिय विमानस्थलबाट ६ किलो कोकिनसहित एक जना विदेशी नागरिक पक्राउ परेको छ ।
पक्राउ पर्नेमा लातभिया घर भएका ५१ वर्षीय इभार्स भाल्टर्स रहेका छन् ।
उनी बुधवार बिहान १ बजे दोहाबाट कतार एयरवेजको उडा नम्बर क्यूआर ६४४ मार्फत काठमाडौँ ओर्लिएका थिए ।
उनको साथबाट ६ किलो कोकिन बरामद गरेको लागुऔषध नियन्त्रण ब्यूरोका एसएसपी दिनेश आचार्यले जानकारी दिए ।
यसबारे अनुसन्धान भइरहेको एसएसपी आचार्यले बताए ।
