काठमाडौं । काभा महिला नेसन्स लिगमा नेपालले माल्दिभ्सलाई सोझो सेटमा हराएको छ ।
सोमबार राष्ट्रिय खेलकुद परिषदको कभर्ड हलमा भएको खेलमा नेपालले माल्दिभ्सलाई २५–८, २५–१९ र २५–१८ ले हराएको हो ।
यसअघि नै सेमिफाइनल फाइनल पुगिसकेको नेपाल लिगको उपविजेता बनेको छ ।
४ खेलमा ३ जित र एक खेलमा हार बेहोरेको नेपाल ९ अंक सहित लिगमा दोस्रो भएको हो । अब नेपालले सेमिफाइनलमा तेस्रो स्थानमा रहेको इरानसँग खेल्नेछ। अर्को सेमिफाइनल खेलमा शीर्ष टोली भारतले चौथो स्थानमा रहेको श्रीलंकासँग खेल्नेछ।
भोलि हुने पहिलो सेमिफाइनल खेलमा श्रीलंकाले भारतको सामना गर्नेछ। भने दोस्रो सेमिफाइनलमा नेपाल र इरानबीच प्रतिस्पर्धा हुनेछ।
