काठमाडौँ । ग्लोबल आइएमई बैंक सबैभन्दा धेरै नाफा कमाउने दोस्रो ठूलो बैंक बनेको छ। आर्थिक वर्ष २०८०/८१ मा बैंकले ६ अर्ब एक करोड रूपैयाँ नाफा कमाएको छ ।
अघिल्लो आर्थिक वर्ष २०७९/८० को तुलनामा भने यो ११ प्रतिशतले घटेको हो। अघिल्लो आर्थिक वर्षको सोही अवधिमा बैंकले ६ अर्ब ६९ करोड नाफा कमाएको थियो।
बैंकको खुद ब्याज आम्दानी घटेको र प्रावधानमा राखिने रकम बढेकोले नाफामा प्रभाव परेको हो। बैंकको खुद ब्याज आम्दानी करिब २.७४ प्रतिशतले घटेर १६ अर्ब ६३ करोड रूपैयाँ पुगेको छ।
यस्तै, यसअघि ३ अर्ब ४२ करोड रूपैयाँ प्रावधानमा राखेकोमा यसपटक ३ अर्ब ७४ करोड राखेको छ।
