एजेन्सी । केरलाको वायनाडमा २९ जुलाईको राती भीषण वर्षापछि आएको पहिरोमा परी मृत्यु हुनेको संख्या ३६५ पुगेको छ । जसमा ३० जना बालबालिका रहेका छन् ।
दुर्घटना भएको आज छैटौं दिन पनि आइतबार खोजी कार्य जारी रहेको छ । २०६ जना अझै बेपत्ता छन् ।
केरलाका मुख्यमन्त्री पी विजयनले शनिबार भने कि सरकारले वायनाड पहिरोमा आफ्नो घर र जग्गा गुमाएका मानिसहरूको पुनर्स्थापनाको लागि एउटा टाउनशिप निर्माण गर्नेछ ।
पहिरो प्रभावित क्षेत्रका बाँकी रहेकालाई यहीँ बसोबास गरिनेछ । राहुल गान्धी र कर्नाटक सरकारले पहिरो पीडितका लागि १०० घर बनाउने घोषणा पनि गरेको छ ।
पीटीआईका अनुसार, पहिरो पछि राहत शिविरमा बस्ने मानिसहरूले आफ्नो घरमा चोरी भइरहेको बताएका छन् । कतिपय मानिसहरु राति आएर घरबाट बहुमूल्य सामान चोर्ने गरेका छन् । उजुरी दर्तापछि अहिले प्रहरीले चोरलाई पक्रन गस्ती गरिरहेको छ ।
