![](https://newspolar.com/wp-content/uploads/2023/08/newspolar-logo.jpg)
काठमाडौँ । त्रिभुवन अन्तर्राष्ट्रिय विमानस्थल नजिक रहेको एक गेष्टहाउसमा युवा र युवती मृत फेला परेका छन् ।
काठमाडौँ महानगरपालिका–९ स्थित शम्भुमार्गमा रहेको झरना गेष्ट हाउसमा दुई जनाको शव फेला परेको जिल्ला प्रहरी परिसर काठमाडौँका एसपी नवराज अधिकारीले जानकारी दिए ।
मृत्यु हुनेमा बाजुराको त्रिवेणी नगरपालिका–४ घर भएका २३ वर्षीय भरतबहादुर सार्की र सोही ठाउँकी करिब २० वर्षीया करिष्मा सार्की रहेका छन् ।
करिष्माको घाँटीमा चोट देखिएको छ भने भरतले पङ्खामा झुन्डिएको अवस्थामा फेला परेका छन् । उनीहरु साउन १५ गतेदेखि उक्तगेस्ट हाउसमा बस्दै आएका थिए । शुक्रवार दिउँसो गेस्ट हाउसका स्टाफ जाँदा ढोका नखुलेपछि होटेल सञ्चालकले प्रहरीलाई खबर गरेका थिए ।
भरतले हत्यापछि आत्महत्या गरेको प्रहरीको आशङ्का छ । यसबारेमा अनुसन्धान भईरहेको प्रहरीले जनाएको छ ।