काठमाडौं । साता कारोबारको अन्तिम दिन आज शुक्रबार सुनको मूल्यले नयाँ रेकर्ड बनाएको छ ।
आज प्रतितोला ५ सय रुपैँयाले बढ्दै सुनको मूल्यले नयाँ ऐतिहासिक मूल्य बनाएको हो ।
आज सुन प्रतितोला १ लाख ४९ हजार ९ सय रुपैयाँ पुगेको नेपाल सुनचाँदी व्यवसायी महासंघले जनाएको छ । यसअघि साउन २ गते प्रतितोला १ लाख ४९ हजार ८ सय रुपैयाँ पुगि सुनले उच्च रेकर्ड बनाएको थियो ।
बिहिबार सुन प्रतितोला १ लाख ४९ हजार ४ सय रुपैयाँमा कारोबार भएको थियो ।
यस्तै, आज चाँदी प्रतितोला ५ रुपैयाँले घटेर १ हजार ७ सय ९५ रुपैयाँमा कारोबार भईरहेको महासंघले जनाएको छ ।
