एजेन्सी । चीनका पर्यटक गन्तव्यहरूमा यस गर्मी याममा अन्तर्राष्ट्रिय आगन्तुकहरूको सङ्ख्यामा उल्लेख्य वृद्धि भएको छ । नयाँ भिसा नीतिहरूका कारण विदेशी पर्यटकहरूको उपस्थिति बाक्लिएको बताइएको छ ।
अन्तर्राष्ट्रिय पर्यटकहरूलाई राम्रोसँग सेवा दिन चीनका शहरहरू, व्यवसायहरू र रमणीय स्थलहरूले भुक्तानी विकल्पहरू विस्तार गर्ने र आरक्षण–रहित प्रवेश नीतिहरू लागू गर्ने जस्ता विभिन्न उपायहरू ल्याएका छन् । यस वर्षको ६ महिनामा चीनले १४.६४ मिलियन अन्तर्राष्ट्रिय आगन्तुकहरूलाई स्वागत गरेको छ ।
जुन अघिल्लो वर्षको तुलनामा १५३ प्रतिशतले बढी हो । ८.५४ मिलियन भिसा–मुक्त प्रवेशमार्फत प्रवेश गरेका छन् । यस गर्मीमा इनबाउन्ड र आउटबाउन्ड दुवै यात्राका लागि झन्डै ७० लाख हवाई टिकट बुकिङ हुने अपेक्षा गरिएको छ । जुन वार्षिक रूपमा ९३ प्रतिशतले वृद्धि भएको छ ।
अर्को उद्योग प्रतिवेदनले सन् २०२३ देखि २०२४ सम्म चीनको पर्यटन अर्थतन्त्र द्रुत गतिमा सुधार हुँदै गएको देखाएको छ । बाहिरी पर्यटनले अझ ठूलो सम्भावना खोल्ने र विश्वव्यापी पर्यटन उद्योगलाई बलियो बनाउने तयारी गरेको छ ।
