काठमाडौं । राष्ट्रिय वाणिज्य बैंक लिमिटेड र महालक्ष्मी नगरपालिका ललितपुरबीच सहुलियतपूर्ण कर्जामा सहकार्य गर्ने सम्झौता भएको छ । उक्त सम्झौतापत्रमा बैंकका प्रमुख कार्यकारी अधिकृत किरणकुमार श्रेष्ठ र महालक्ष्मी नगरपालिकाका नगर प्रमुख रामेश्वर श्रेष्ठले हस्ताक्षर गर्नुभएको छ ।
नगरपालिकाले सम्झौतापछि नगर क्षेत्रभित्र उद्यम तथा व्यवसाय गर्न चाहने व्यक्तिलाई परामर्श र उद्यमशीलतासम्बन्धी आवश्यक तालिमको व्यवस्थापन गर्ने गरी तालिम प्राप्त व्यक्तिलाई कर्जाका लागि बैंकमा सिफारिस गर्नेछ । बैंकले नियमानुसार सहुलियतपूर्ण कर्जाअन्तर्गत कर्जा पनि लगानी गर्नेछ ।
समारोहमा बैंकका सहुलियतपूर्ण कर्जा तिर्नु नपर्ने भन्ने भ्रम रहेकाले कार्यान्वनयमा चुनौती थपिएको प्रमुख कार्यकारी अधिकृत किरणकुमार श्रेष्ठले बतानु भयो। सो कर्जाले युवाशक्तिलाई उत्पादनसँग जोडी बेरोजगारी न्यूनीकरण हुने नगर प्रमुख रामेश्वर श्रेष्ठले बताउनु भयो ।
