हेटौंडा । बागमती प्रदेशका मुख्यमन्त्री शालिकराम जम्कट्टेलले राजीनामा दिने भएका छन् ।
नेकपा माओवादी केन्द्र बागमती प्रदेश संसदीय दलको सुझावपछि मुख्यमन्त्री जम्कट्टेलले प्रदेश सभालाई सम्बोधन गरेर राजीनामा दिने भएका हुन् ।
बैठकपछि बोल्दै माओवादी केन्द्रका मुख्य सचेतक रत्नप्रसाद ढकालले भने, ‘संसदीय दलले राजीनामा दिन सुझाव दिएको छ । दलको सुझावलाई मुख्यमन्त्रीज्यूले कार्यान्वयन गर्नु हुनेछ’।
यसअघि जम्कट्टेलले विश्वासको मत लिने निर्णय गरेका थिए । जसको लागि कार्यव्यवस्था परामर्श समितिले विश्वासको मत लिने कार्यसूची समेत बनाएको थियो ।
बागमतीमा नेपाली कांग्रेसका संसदीय दलका नेता बहादुर सिंह लामाको नेतृत्वमा सरकारमा जाने निर्णय गरेको छ ।
