काठमाडौँ । महिला एसिया कप क्रिकेट प्रतियोगिताको उद्घाटन खेलमा नेपालले यूएईविरुद्ध टस जितेको छ ।
श्रीलंकाको डम्बुलास्थित अन्तर्राष्ट्रिय क्रिकेट मैदानमा टस जितेर नेपालका कप्तान ईन्दु बर्माले पहिला फिल्डिङ रोजेकी छिन् । खेल नेपाली समयअनुसार २:१५ बजे सुरु हुनेछ ।
जुलाई १९ देखि २८ सम्म सञ्चालन हुने प्रतियोगितामा सहभागी टोलीलाई दुई समूहमा विभागजन गरिएको छ । नेपाल प्रतियोगिताको समूह ‘ए’मा परेको छ । नेपालको समुहमा दुई बलिया टेस्ट राष्ट्र भारत, पाकिस्तान र यूएई छन् । समूह ‘बी’ मा श्रीलंका, बंगलादेश, मलेसिया र थाइल्यान्ड रहेका छन् ।
दुबै समूहबाट दुई–दुई टोली प्रतियोगिताको समेमिफाइनलमा पुग्नेछन् । सेमिफाइनल खेलमा विजयी हुने दुई टोलीबिच फाइनल हुनेछ ।
