![](https://newspolar.com/wp-content/uploads/2024/07/amit.jpg)
एजेन्सी । नाग अश्विनको निर्देशनमा बनेको फिल्म ‘कल्की २८९८ एडी’ ले १००० करोडभन्दा बढी कलेक्सन गरेको छ । यो सफलतामा फिल्ममा अश्वत्थामाको भूमिका निभाएका अभिनेता अमिताभ बच्चनले एउटा भिडियो सेयर गरेका छन् ।
भिडियोमा बिग बीले फ्यानलाई धन्यवाद दिएका छन् । उनले को–स्टार प्रभासको पनि तारिफ गरे ।
अमिताभले भने, ‘म यहाँ सबैलाई धन्यवाद दिन आएको हुँ । तपाईहरुले यो फिल्मलाई यति धेरै माया दिनुभयो कि यसले १००० करोड कमाएको छ । म मेरा सहकलाकार कमल हसन, प्रभास र दीपिकालाई पनि धन्यवाद दिन्छु । साथै यस फिल्मको सफलताको लागि सम्पूर्ण टिमलाई बधाई दिन चाहन्छु ।’
भिडियोमा बिग बीले अगाडि भनेका छन्, ‘मेरो लागि १००० करोड रुपैयाँ नयाँ कुरा हो तर प्रभासका लागि यो एक रुटिन जस्तै हो ।’ अन्त्यमा उनले यो फिल्मको दोस्रो भागमा पनि आफूलाई देख्न सकिने आशा रहेको बताए ।
नाग अश्विन निर्देशित फिल्ममा प्रभास, अमिताभ बच्चन, दीपिका पादुकोण, दिशा पटानी र कमल हसनको पनि महत्वपूर्ण भूमिका छ । यस फिल्ममा विजय देवरकोन्डा, मृणाल ठाकुर, एसएस राजामौली, राम गोपाल वर्मा, दुल्कर सलमानले क्यामियो गरेका छन् ।