काठमाडौँ । नवनियुक्त प्रधानमन्त्री केपी शर्मा ओलीले लैनचौरस्थित शहीद स्मारक पुगेर शहीदको शालिकमा माल्यार्पण गर्नुभएको छ ।
सोमवार पद तथा गोपनियताको शपथग्रहणसँगै लैनचौर पुग्नुभएका उहाँले शहीदको शालिकमा माल्यार्पण गर्नुभएको हो । प्रधानमन्त्री ओली शीतल निवासमा आयोजित शपथ समारोहबाट सिधै लैनचौर जानुभएको थियो ।
प्रधानमन्त्रीसँगै नवनियुक्त मन्त्रीहरूले पनि शहीद स्मारक पुगेर शहीलको शालिकमा माल्यार्पण वं पुष्पगुच्छा अर्पण गर्नुभएको थियो । नवनियुक्त मन्त्रीहरुले आज नै पदभार सम्हाल्नुहुनेछ ।
