काठमाडौँ । त्रिभुवन अन्तर्राष्ट्रिय विमानस्थलबाट अवैध सुनसहित एक भारतीय नागरिक पक्राउ परेको छ ।
भन्सार छली गरि ल्याएको सुनसहित भारतीय नागरिक ४१ वर्षीय दीपक जैरामदास घिन्डलाई पक्राउ गरिएको प्रहरीले जनाएको छ ।
एयर अरेबियाको उडानबाट सार्जाहा हुँदै काठमाडौँ आएका उनलाई विमानस्थल भन्सार चेकिङ एरियामा जाँच गर्ने क्रममा ९९ ग्राम ४१ मिलिग्राम तौलको सुनसहित पक्राउ गरिएको हो । प्रहरीले उनको साथबाट पहेँलो धातुको सिक्री १ थान, बाला २ थान, मोबाइल ४ थान र ल्यापटप ४ थान बरामत गरेको छ ।
यस सम्बन्धमा आवश्यक अनुसन्धान भईरहेको प्रहरीले जनाएको छ ।
