![](https://newspolar.com/wp-content/uploads/2024/07/imgonline-com-ua-twotoone-RwOW8iyPJ9rAi.jpg)
एजेन्सी । भारतीय धनाढ्य मुकेश अम्बानीका कान्छो छोरा अनन्त अम्बानीले लामो समयदेखिकी प्रेमिका राधिका मर्चेन्टसँग जुलाई १२ मा विवाह गरेका थिए ।
अन्तर्राष्ट्रिय भिभिआईपी पाहुनासहित करोडौं रुपैयाँ खर्चिएको यो विवाह अहिले चर्चामा छ । विवाहमा राधिका मर्चेन्टले सुनको कढाई गरिएको लेहेंगा लगाएकी थिइन् भने अनन्त अम्बानीको विवाहको पोशाकको मूल्य २१४ करोड रुपैयाँ रहेको बताइएको छ ।
अब अनन्त अम्बानीले आफ्ना २५ नजिकका साथीहरूलाई विवाहको दिन १.६७ करोड रुपैयाँको लग्जरी घडी उपहार दिएका छन् ।
१२ जुलाईमा जियो वर्ल्ड सेन्टरमा अनन्त अम्बानी र राधिका मर्चेन्टको विवाहमा दुलहाका साथीहरूको रमाइलो शैली देखियो ।
दुलहाको टोलीमा शाहरुख खान, रणवीर सिंह, वीर पहाडिया, सलमान खान, मीजान जाफरी, शिखर पहाडियालगायत २५ नजिकका साथीहरू थिए, जसलाई अनन्त अम्बानीले एउटा–एउटा लग्जरी घडी उपहार दिएका थिए ।
यो सीमित संस्करणको घडी १८ क्यारेट सुनबाट बनेको छ, जसको मूल्य २ लाख डलर अर्थात १.६७ करोड भारुछ । दुलहाको टोलीले आफ्नो घडी देखाएको भिडियो पनि सार्वजनिक भएको छ ।