काठमाडौँ । नबिल बैंकको ३६औँ वार्षिक साधारण सभा पुस २९ गते हुने तय भएको छ । मंगलबार बसेको सञ्चालक समितिको बैठकले विहान १० बजे बैंकको केन्द्रीय कार्यालय दरबारमार्गमा साधारण सभा गर्ने निर्णय गरिएको कम्पनी सचिव माधवप्रसाद रेग्मीले जानकारी दिनु भएको छ ।
सञ्चालक समितिले प्रस्ताव गर्ने ३३.५ प्रतिशत बोनस शेयर र १.७६ प्रतिशत नगद लाभांश पारित गर्ने जनाएको छ। साधारण सभा प्रयोजनका लागि पुस १५ गते बैंकको शेयर दाखिल खारेज बन्द (बुक क्लोज) गर्ने निर्णय गरिएको कम्पनी सचिव रेग्मीले बताउनु भयो।
