काठमाडौं । युवतीको प्रयोग गरि विभिन्न मानिसहरुलाई लुटपाट गरेको अभियोगमा दोलखा जिल्ला शैलुङ गा.पा. वडा नं ३ घर भई का.जि. स्युचाटार बस्ने लालबहादुर श्रेष्ठलाई पुस ८ गतेको दिन प्रशरीले पक्राउ गरेको छ ।
६ तोला सुनको सिक्री १ थान, मोबाईल २ थान, रेबन चस्मा १ थान र नगद रु. ७,००० समेत गरि अन्दाजी रु ६ लाख ३५ हजार बराबरको धनमाल लुटी फरार रहेकोमा प्रहरीले निरन्तर अनुसन्धानबाट सो घटनामा संलग्न मध्ये निम्न घर ठेगाना भएका सागर भन्ने लालबहादुर श्रेष्ठलाई पक्राउ गरि आवश्यक कारबाहीको लागि महानगरीय प्रहरी परिसर ललितपुर पठाईएको जनाएको छ ।
यही मिति २०७७ साउन ८ गते सिन्धुली जिल्ला कमलामाई न.पा. वडा नं २ बस्ने भोला बहादुर जर्घामगरलाई का.जि.रत्नपार्कबाट कंलकी जान मोटरसाईकलमा बसिरहेको समयमा एक युवतीले लिफ्ट मागेकोमा निजलाई लिफ्ट दिई कंलकी जाने क्रममा युवतीले चोभारसम्म पुर्याउन अनुरोध गर्दा स्वीकार गरी चोभारमा पुर्याउँदा त्यहाँ पहिले देखि नै बसेका अपरिचित व्यक्तीहरुले रडको प्रयोग गरी नियन्त्रणमा लिएर लुटपाट गरेको जनाएको छ । सो सम्बन्धमा थप अनुसन्धान कार्य भई रहेको प्रहरीले जनाएको छ ।
