काठमाडौँ । फ्रान्स युरो कप २०२४ फुटबल प्रतियोगिताको सेमिफाइनलमा प्रवेश गरेको छ ।
गएराति भएको खेलमा पोर्चुगललाई पेनाल्टी सुटआउटमा हराउँदै फ्रान्सले अन्तिम चारको यात्रा तय गरेको हो ।
निर्धारित र अतिरिक्त समयमा खेल गोलरहित बराबरी भएपछि विजेताको टुंगो टाइब्रेकरबाट लागेको हो ।
पेनाल्टी सुटआउटमा फ्रान्स ५–३ गोलले विजयी बन्यो । अब फ्रान्सले सेमिफाइनलमा स्पेनसँग प्रतिस्पर्धा गर्नेछ ।
