काठमाडौं । प्रधानमन्त्री पुष्पकमल दाहाल र नेकपा एमालेको अध्यक्ष केपी शर्मा ओलीबीच भेटवार्ता भएको छ ।
प्रधानमन्त्री दाहाललाई भेट्न एमाले अध्यक्ष ओली बालुवाटार पुगेका हुन् । दुई नेताबीच के विषयमा छलफल भयो भन्ने चाहिँ स्पष्ट भएको छैन ।
यसअघि हिजो मात्रै प्रधानमन्त्री दाहाल, एमाले अध्यक्ष ओली र रास्वपाका सभापतिसमेत रहेका गृहमन्त्री र रवि लामिछानेबीच भेटवार्ता भएको छ ।
त्यसअघि अस्ति नेपाली कांग्रेसका सभापति शेरबहादुर देउवाले एमाले अध्यक्ष ओलीसँग भेटवार्ता गरेका थिए ।
नेताहरुको राजनीतिक भेटघाट र दौडादौडलाई सत्ता उथलपुथलको कसरतका रुपमा समेत हेरिएको छ ।
