काठमाडौं । नेपाल वेदविद्याश्रम संस्कृत माध्यमिक विद्यालयका विद्यार्थी एसईईमा उत्कृष्ट नतिजासहित उत्तीर्ण भएका छन् ।
काठमाडौं महानगरपालिका वडा ८ वनकालीमा रहेको वेदविद्याश्रम संस्कृत माविले उत्कृष्ट नतिजा ल्याएको हो । राष्ट्रिय परीक्षा बोर्डले २०८० सालमा लिएको माध्यमिक शिक्षा परीक्षा एसईईको नतिजा अनुसार वेद विद्याश्रमका विद्यार्थी उत्कृष्ट नतिजा सहित उत्तिर्ण भएका हुन् ।
वेद विद्याश्रमबाट एसईईमासहभागी २४ जना विद्यार्थीमध्ये १५ जनाले ३.६५ माथि र बाँकी ९ जनाले ३.६० जिपिए ल्याएर उत्तीर्ण भएका हुन् ।
२०३१ सालमा स्थापना भएर पठनपाठन शुरूवात भएको यो विद्यालयले संस्कृत शिक्षालाई अग्रगामी रूपमा अगाडि बढाइरहेको छ । २०४३ सालबाट माध्यमिक शिक्षा परीक्षामा यस विद्यालयका विद्यार्थीहरू सहभागी हुन थालेका हुन् ।
छात्रा वाससहितको सुविधा रहेको विद्यालयमा ७७ जिल्लाका १०८ जना छात्र बस्दै आएका छन् ।
