काठमाडौं । राप्रपा नेपालका अध्यक्ष कमल थापाले मुलुक जोगाउन अहिले मुलुकलाई हिडाईरहेको मार्गचित्र परिबर्तन गर्नुपर्नेमा जोड दिएका छन् ।
‘देशले अहिलेको ब्यबस्था र प्रणाली धान्न सक्दैन यो ब्यबस्था भ्रष्टतन्त्रमा रूपान्तरित भैसकेको छ’, पार्टीमा नब प्रबेशीहरुको निमित्त आज आयोजित अभिमुखिकरण कार्यक्रममा बोल्दै थापाले भने,’संघीयता देशले धान्दैन खारेज गर्नुपर्छ, धर्मनिरपेक्षता तुरुन्तै हटाउनुपर्छ,हिन्दुराष्ट्र कायम गर्नुपर्छ।’
थापाले देशको स्वाधिनताको रक्षाको लागि राजसंस्था आबश्यक भएको समेत चर्चा गरे। बिदेशी दबाब र प्रभाब बढाउन यो राज्य प्रणालिले काम गरेको भन्दै थापाले आत्मसर्पणबादी मानसिकताले देशको हित नहुने स्पष्ट पारे ।
थापाले राप्रपा नेपाल दुरदर्शी ढङ्गले अघि बढ्ने भन्दै मुलुकको आर्थिक,सामाजिक , राजनितीक रुपान्तरण गर्न सम्बर्द्धनबाको नीति अबलम्बन गर्ने बताए । धर्म, संस्कृती,मूल्य मान्यताको रक्षाको लागि पार्टी बलियो बनाउनु पर्ने भन्दै थापाले संगठन निर्माणमा केन्द्रित हुन आग्रह गरे ।
