यस वर्षको एसईईको नतिजा सार्वजनिक गर्दैछ । राष्ट्रिय परीक्षा बोर्डले प्रत्येक विषयमा सैद्धान्तिक (लिखित) तर्फ न्यूनतम् ३५ प्रतिशत अंक नल्याए विद्यार्थी ननग्रेडिङ हुने व्यवस्थाअनुसार पहिलो पटक एसईईको नतिजा सार्वजनिक गर्न लागेको हो ।
बोर्डका अनुसार प्राविधिक जटिलताको अवस्थाबाहेक आज नै एसईईको नतिजा सार्वजनिक हुने छ । हिजो बोर्डका पदाधिकारीहरुलाई नतिजा प्रकाशनको तयारेबारे जानकारी गराएको परीक्षा नियन्त्रण नन्दलाल पौडेलले बताए । आज बिहान बोर्डको बैठ बोलाइएको छ । बोर्डले निर्णय गरेपछि नतिजा प्रकाशित गरिने उनले बताए ।
नयाँ पाठ्यक्रमअनुसार पहिलो पटक एसईई परीक्षा दिएका विद्यार्थीको लेटर ग्रेडिङ निर्देशिका २०७८ को व्यवस्थाअनुसार नतिजा प्रकाशन हुने बोर्डले जनाएको छ । उक्त व्यवस्थाअनुसार व्द्यिार्थीले प्रत्येक विषयमा न्यूनतम् ३५ प्रतिशत अंक ल्याउनुपर्ने छ ।
हरेक विषयमा ७५ पूर्णांकको लिखित परीक्षा सञ्चालन भएकाले न्यूनतम् २७ अंक ल्याउनुपर्छ । उक्त अंक अर्थात १.६ जीपीएभन्दा कम अंक ल्याउने विद्यार्थी ननग्रेडिङमा पर्नेछन् । उनीहरुलाई बोर्डले ग्रेडसिटसमेत उपलब्ध गराउँने छैन ।
निर्देशिकामा दुई विषयसम्म ननग्रेडिङ आउने विद्यार्थीले बोर्डले तत्कालै मिति तोकेर लिने ग्रेडवृद्धि परीक्षामा सहभागी हुन पाउने छैन ।
