काठमाडौँ । नेकपा (एमाले)का प्रमुख सचेतक महेश बर्तौलाले सरकारको अनुमतिबाट खोलिएका उद्योगहरु नवीकरण गर्नुपर्ने बताएका छन् ।
प्रतिनिधिसभामा लगानी सहजीकरण सम्बन्धी केहि नेपाल ऐनलाई संशोधन गर्न बनेको विधेयकमा बोल्दै उनले उद्योगहरु नवीकरण गर्नुपर्ने बताएका हुन् ।
‘हामिले दुनियाँलाई नेपालमा आउ, लगानी गर, रोजगारी देउ, कर तिर भनिरहेको छौं । स्वदेशमा चलिरहेको उद्योग धन्दा र स्वदेशमा भइरहेको लगानीहरुको प्रबर्द्धन तथा संरक्षणमा सरकारले अभिभावकत्व लिनुपर्छ । सरकारले यस किसिमको वातावरण बनाउन नसक्दा कतिपय उद्योग धन्दा, कल–कारखानाहरु बिचैमा बन्द हुने अवस्था रहेको छ ।’ प्रमुख सचेतक बर्तौलाले भने ‘सरकारले अनुमति दिएर खुलेका उद्योग धन्दाहरु पनि समयमै नविकरण नहुँदा नवीकरण गराईदेउ भनेर व्यवसायीहरु आन्दोलन गर्नुपर्ने अवस्था छ । ससर्थ, सरकारको अनुमतिबाट खोलिएका उद्योगहरु नवीकरण गर्नुपर्छ ।’
