काठमाडौं । प्रधानमन्त्री एवं नेपाल कम्युनिस्ट पार्टीका अध्यक्ष केपी शर्मा ओली अर्का अध्यक्ष पुष्पकमल दाहाल प्रचण्डमाथि खनिएका छन् । हिजोमात्र काठमाडौंको भृकुटीमण्डपमा विरोधसभा गरेर नेता ओलीलाई सत्तोसराप गरेपछि आज अकस्मात ओलीले नै कार्यक्रम राख्न लगाएका हुन् र उनी पनि अर्का अध्यक्ष प्रचण्डमाथि खनिएका हुन् ।
उनले आज भनेका छन्, प्रचण्डलाई आफूले धेरै धुने लाई धुँदाधुँदा धेरै साबुनका डल्ला र ड्रमका ड्रम पानी सकिएको टिप्पणी गरेका छन् ।
ओली समूहले बुधबार आयोजना गरेको सुदूरपश्चिमस्तरीय भेलालाई सम्बोधन गर्दै सो पार्टीका अध्यक्ष तथा प्रधानमन्त्री ओलीले प्रचण्डको ध्यान जहिले पनि कसरी कब्जा गर्ने भन्नेमा मात्र रहेको आरोप उनले लगाए ।
तर आफूले भने सधैँ प्रचण्डलाई मित्रताको अंगालो मात्र हाल्ने गरेको तर प्रचण्डले भने धृतराष्ट्रलले जस्तो अंगालो मारेको आरोप लगाए ।
प्रधानमन्त्री ओलीले आफूले प्रचण्डलाई विगतमा जस्तो षड्यन्त्रकारी राजनीति छाड्नुस्, धोका बेइमानी नगर्नुस् र अब देश र जनताको लागि राजनीतिक गर्नुस् भनेको तर उनले नमानेको बताए ।
प्रधानमन्त्री ओलीले गएको तीन वर्ष त आफूलाई प्रचण्डलाई सम्झाउन मात्र लागेको जसले गर्दा काम हुन नसकेको आरोप लगाए । उनले भने, भने, ‘तीन वर्षमा साबुनका धेरै डल्ला खर्च भए, धेरै साबुन सकिए, ड्रमका ड्रम पानी खतम भयो, तर उनलाई सफा पार्न सकिएन, उनको नियतलाई सफा पार्न सकिएन ।
