एजेन्सी । बलिउड अभिनेत्री सोनाक्षी सिन्हा र जहिर इकबाल आज विवाह बन्धनमा बाँधिदैछन् । सुरुमा दुवैले इन्गेजमेन्ट गर्नेछन् । त्यसपछि विवाह गर्नेछन् ।
त्यसलगत्तै साँझ शिल्पा शेट्टीको मुम्बईको दादरस्थित रेष्टुरेन्ट बस्टनमा रिसेप्शन पार्टी हुनेछ । जहिरका मेकअप आर्टिस्ट राजु नागले विवाहको पहिलो कार्ड सलमान खानलाई गएको बताएका थिए ।
यस्तो अवस्थामा सलमान रिसेप्शन पार्टीमा सहभागी हुने कुरा स्पष्ट छ । रिसेप्शन पार्टीमा वेब सिरिज ‘हिरामण्डी’ को सम्पूर्ण स्टार कास्ट पनि सहभागी हुन सक्नेछन् ।
सोनाक्षीको विवाहअघि शनिबार साँझ उनको घर ‘रामायणा’मा पूजाको आयोजना गरिएको थियो । सोनाक्षीकी आमा पुनम सिन्हाको उपस्थितिमा यो पूजा सम्पन्न भएको थियो ।
शुक्रबार यो जोडीको मेहेन्दी र हल्दी समारोह भएको थियो । यी सबै समारोह जहिरको घरमा भएका थिए । यो जोडीको हल्दी र मेहन्दी समारोहका केही तस्विरहरु सार्वजनिक भएका छन् ।
गत बिहीबार सोनाक्षी र जहिरको परिवार डिनरमा सँगै देखिएका थिए । यस अवसरमा शत्रुघ्न, उनकी पत्नी पूनम सिन्हा र जहिरका पिता इकबाल रत्नासी सँगै देखिएका थिए । यसअघि सोनाक्षीको परिवार यो विवाहबाट खुसी नभएको खबर आएको थियो तर दुवै परिवारलाई सँगै देखेपछि शत्रुघ्न आफ्नी छोरीको बिहेमा खुसीसाथ सहभागी भएको स्पष्ट भएको छ ।
सोनाक्षी र जहिर ७ वर्षदेखि रिलेशनशिपमा छन् । दुवैको पहिलो भेट सलमान खानको पार्टीमा भएको थियो । केही समयको मित्रतापछि दुवै जना सम्बन्धमा आएका थिए ।
