काठमाडौँ । नेपाली राष्ट्रिय क्रिकेट टोलीका लेग स्पिनर सन्दीप लामिछाने स्वदेश फर्किएका छन् ।
टी–२० विश्वकप खेल्न वेस्ट इन्डिज पुगेका सन्दीप शनिबार स्वदेश फर्किएका हुन् । सन्दीपले वेस्ट इन्डिजमा दक्षिण अफ्रिका र बंगलादेशविरुद्ध दुई खेल खेलेका थिए । उनले बंगलादेशविरुद्ध दुई विकेट लिँदै टी–२० अन्तर्राष्ट्रियमा १०० विकेटको कोशेढुंगा छोएका छन् ।
सन्दीपले अमेरिकाको भिसा नपाएपछि अमेरिकामा भएका दुई खेल भने गुमाएका थिए । नेपाली क्रिकेट टोली यसअघि नै नेपाल फर्किसकेको छ ।
तस्बिरः क्यान
