काठमाडौ । औपचारिक रुपमा बिभाजन भइनसकेको पार्टी नेकपाका उपाध्यक्ष बामदेब गौतमले पार्टी एकता अभियान सञ्चालन गर्न लाग्नु भएको छ । हालसम्म ओली तथा नेपाल –दाहाल खेमामा नजानु भएका नेता गौतमले कानूनले नेकपालाई बिभाजन हुन नदिने भन्दै एकता समिति अभियान गठन गर्न लाग्नु भएको हो ।
आगामी साता समिति घोषणा गर्ने र दुबै तीर छलफल चलाउने योजनानामा गौतम रहनु भएको उहानिकट नेताले जनाएका छन् । पार्टीभित्र बिवाद हुदा सुरुमा पुष्पकमल दाहाल तथा माधब कुमार नेपाल समुहका देखिनु भएका गौतम पछिल्ला दिनमा भने दुबै समुहमा देखिनु भएको छैन ।
सबिधानको सर्बोच्चता र कानूती राज्य मान्ने प्रतिबद्धता गरेको अबस्था नेकपा बिभाजन हुन नसक्ने भन्दै नेता गौतमले कानून पनि मान्ने पाटी पनि बिभाजन गर्ने कुरा जायज नहुने दृष्टिकोण बनाउनु भएको छ । नेकपाका कार्यकर्ताहरुलाइ पार्टी एकतका लागि जनदवाब सृजना गर्नका लागि आब्हान गर्ने तयारीमा रहनु भएका नेता गौतमले दबाब आन्दोलनले पार्टी एक नभए इतिहासले सबैलाई धिक्कार्ने छ भन्दै अभियानलाई तिब्रता दिन लाग्नु भएको हो ।
