काठमाडौं । राष्ट्रिय स्वतन्त्र पार्टीको केन्द्रीय समितिको बैठक जारी रहेको छ । केन्द्रीय कार्यालय वनस्थलीमा केन्द्रीय समितिको बैठक बसिरहेको हो ।
बैठकमा पार्टी स्थापना दिवस, संसद्, सरकारको कामकारबाही र विविध विषयमा छलफल भइरहेको सहमहामन्त्री कविन्द्र बुर्लाकोटीले बताए ।
रास्वपा गठन भएको आज दुई वर्ष पुगेको छ । पार्टी स्थापना दिवसको अवसर पारेर पार्टीले शुक्रबार चियापान आयोजना गरेको छ । चियापानमा राजनीतिक दलका नेतासहित विभिन्न क्षेत्रका व्यक्तिहरूलाई निमन्त्रणा गरिएको छ ।
