लन्डन । इंग्लिस प्रिमियर लिगमा शनिबार आर्सनलले जितको शृंखलालाई निरन्तरता दिँदै वेस्ट ब्रुमलाई ४–० ले हराएको छ । आर्सनलको यो लगातार तेस्रो जित हो । आर्सनलले केरन टिरनीको गोलले अग्रता लिएको थियो ।
बुकायो साकाले दोस्रो गोल थपे भने एलेक्जान्डर लाकाजेटले थप दुई गोल गरे । लिगका सात खेलमा जित निकाल्न नसकेको आर्सनलले पछिल्लो समय तीन खेलबाट ९ अंक बटुलेको छ । पराजित वेस्ट ब्रुम पुछारबाट तेस्रो स्थानमा छ ।
आर्सनल भने २३ अंकसाथ ११ औं स्थानमा उक्लेको छ । शनिबारकै अन्य खेलमा क्रिस्टल प्यालेसले सेफिल्ड युनाइटेडलाई २–० ले हरायो भने ब्राइनट र उल्भ्सले ३–३ को बराबरी खेले ।
