काठमाडौं । राष्ट्रिय स्वतन्त्र पार्टीका सभापति रवि लामिछाने उपप्रधान तथा गृहमन्त्री बनेका एक सय दिन पुगेको छ । लामिछानेले आज पत्रकार सम्मेलन गरेर आफूले गरेका काम सार्वजनिक गर्ने तयारी गरेका छन् ।
रवि लामिछाने गृहमन्त्री भएपछि केही सकारात्मक कामको सुरुवात गरेका छन् । उनले प्रहरी परिचालनलाई प्रभावकारी बनाएका छन् भने सेवामा समेत सुधार भएको छ ।
लामिछाने स्वयम् भने विवादमा परेका छन् । सहकारीको रकम हिनामिना गरेको आरोप खेपिरहेका उनीमाथि छानबिनसमेत भइरहेको छ ।
उनले कान्तिपुर मिडिया ग्रुपका अध्यक्ष कैलाश सिरोहियालाई पक्राउ गरेर रिसइबी साँधेको आरोप खेप्नु पर्यो ।
सामाजिक सञ्जालबाटै ट्राफिक प्रहरीलाई दिएको निर्देशन कार्यान्वयन गर्न सर्वोच्च अदालतले रोक लगाएको छ । यसैगरी उनले महान्यायाधिवक्ताको कार्यालयबाट आफूमाथि कुनै अभियोग नरहेको पत्र ल्याएर सार्वजनिक गरेपछि विवादमा तानिएका छन् । उनीविरुद्ध अहिले सर्वोच्चमा रिटसमेत छ ।
त्यसैगरी गृहमन्त्री लामिछानले संसद्मा दिएको अभिव्यक्तिसमेत विवादमा परेको थियो ।
लामिछानेले आज आफूले गरेका काम के हुन् भनेर सार्वजनिक गर्दै छन् ।
