काठमाडौँ । नेकपा (एकीकृत समाजवादी) का उपाध्यक्ष राजेन्द्र पाण्डेले पार्टी भित्र बैचारिक मतभेद नभएको दाबी गर्नुभएको छ ।
पार्टीको आसन्न राष्ट्रिय महाधिवेशनमा एउटै दस्ताबेज तयार भएकाले पनि पार्टी भित्र वैचारिक मतभेद भएको भनेर भन्न नमिल्ने उहाँको तर्क थियो । मंगलवार संसद भवन परिसरमा सञ्चारकर्मीहरुले अध्यक्ष माधवकुमार नेपाल र सम्मानित नेता झलनाथ खनालबीच बैचारिक मतभेद रहेको छ नि ? भनेर प्रश्न गरेका थिए ।
उपाध्यक्ष पाण्डेले सबै नेताहरु मिलेर महाधिवेशनमा प्रश्तुत गर्नका लागि एउटै दस्तावेज बनाएकाले त्यसो भन्न नसकिने बताउनु भयो । उहाँले नेताहरुबीच पार्टी नेतृत्वको लागि पहल हुनुलाई भने स्वभाविक रुपमा लिनुपर्ने बताउनुभयो ।
उपाध्यक्ष पाण्डेले भन्नुभयो, ‘पार्टी भित्र बैचारिक मतभेद छ भन्नेकुरा भन्नेकुरा मात्रै हो जस्तो लाग्छ । किनभने वैचारिक मतभेद भए त दुई वटा दस्तावेज छुट्टै बन्थ्यो होला नि । दस्तावेज त सबै सल्लाह मिलाएर एउटै दस्तावेज बनेको छ त बैचारिक मतभेद कहाँ छ भन्ने ? पहिला त यो पटकपटक राजदूतहरु फेरिरहने, पठाउने, त्यहाँ बुझ्न नपाउँदै फेरि हाल्ने कुराले नेपालको राजनीतिक स्थिति, नेपालमा राजनीतिक स्थिरता भयो, तपाईहरु लगानी गर्न आउनुस भनेर जो हामी भन्ने गर्छौ । त्यो कुरालाई खण्डन गर्छ । तर सरकारले राजदुत राख्न पनि सक्छ, फेर्न पनि सक्छ । त्यो स्वभाविक कुरा हो । ’
फरक प्रसंगमा उपाध्यक्ष पाण्डेले राजदुत फिर्ता बोलाउने सरकारको निर्णय स्वभाविक भएको प्रतिक्रिया दिनुभयो ।
