एजेन्सी । वास्तुशास्त्रमा दाम्पत्य जीवनमा सुख र शान्ति प्राप्त गर्नका लागि धेरै उपायहरू बताइएका छन् । सुत्ने कोठामा वास्तुशास्त्रको नियम पालना गर्दा दाम्पत्य जीवनमा सुख प्राप्त हुन्छ ।
मिठो सम्बन्धका लागि सुत्ने कोठाको वातावरण पनि राम्रो हुनुपर्छ । यदि पति–पत्नीबीच झगडाको समस्या छ भने सुत्ने कोठामा केही परिवर्तन गर्नुपर्ने हुन्छ । सुत्ने कोठामा वास्तु दोष भएमा सम्बन्धमा तनाव उत्पन्न हुने विश्वास गरिन्छ ।
सुत्ने कोठाको ओछ्यान दक्षिण–पश्चिम दिशामा हुनुपर्छ । यस शुभ दिशामा ओछ्यान राख्नाले व्यक्तिको जीवनमा सकारात्मक प्रभाव पर्छ । ओछ्यान काठको हुनुपर्छ । फलाम वा स्टिलको ओछ्यानले घरमा नकारात्मक ऊर्जा भर्छ ।
वास्तुशास्त्र अनुसार सुत्ने कोठाको भित्ताको रंग कालो हुनु हुँदैन । पर्खालको रंग हल्का गुलाबी, हरियो वा खैरो हुनुपर्छ । बेडको विपरीत भित्तामा ऐना नराख्नुहोस् । शयनकक्षमा न्यूनतम वस्तुहरू राख्नुभयो भने आरामदायी निद्रा लाग्नेछ र शान्त वातावरण हुनेछ ।
सुत्ने कोठामा मधुरो प्रकाश हुनुपर्छ । यसले पति–पत्नीको सम्बन्धमा मधुरता ल्याउँछ ।
यसबाहेक झगडाका तस्बिरहरू भूलवश पनि राख्नुहुँदैन। यसको सट्टा प्रकृतिसँग सम्बन्धित तस्बिर राख्न सक्नुहुन्छ ।
सुत्ने कोठामा सरसफाईमा विशेष ध्यान दिनुपर्छ । फोहोर सुत्ने कोठाले दाम्पत्य जीवनमा नराम्रो असर पार्ने विश्वास गरिन्छ । त्यसैले सुत्ने कोठा सधैं सफा राख्नुपर्छ । यसले सकारात्मक उर्जा पैदा गर्नेछ ।
