एजेन्सी । विश्वका धेरै देश गर्मीबाट पीडित छन् । यसैबीच यहाँ संसारका केहि स्थानहरुको बारेमा बताउन गइरहेका छौँ जहाँको तापक्रम थाहा पाउँदा तपाई छक्क पर्नुहुनेछ ।
नेपालमा विशेषगरी सबैभन्दा गर्मी महिनाहरू मे र जुन हुन् । यस समयमा देशका धेरै ठाउँमा गर्मीका कारण मानिसहरु मर्कामा परेका छन् ।
संसारको सबैभन्दा गर्मी ठाउँको कुरा गर्दा सबैभन्दा पहिले इरानको नाम आउँछ । इरानको बन्दर–ए–मशहर सहर विश्वको सबैभन्दा गर्मी हुने ठाउँहरूमध्ये एक हो । यस ठाउँको अधिकतम तापक्रम जुलाई २०१५ मा ७४ डिग्री सेल्सियसमा रेकर्ड गरिएको थियो ।
अफ्रिकाको सहारा मरुभूमिको नाम पनि विश्वको सबैभन्दा गर्मी हुने ठाउँको सूचीमा परेको छ । सहारा मरुभूमिमा औसत तापक्रम ३२ देखि ४२ डिग्री सेल्सियस हुन्छ । यति मात्र होइन यहाँ वर्षभरि १०० मिलिमिटरभन्दा कम वर्षा हुन्छ ।
सुडानको वादी हाल्फा सहरमा पानी पर्दैन । यहाँको औसत तापक्रम सधैं ४१ डिग्री सेल्सियस हुन्छ । सन् १९६७ मा यहाँको अधिकतम तापक्रम ५३ डिग्री सेल्सियस थियो ।
यसबाहेक, क्यालिफोर्नियामा अवस्थित डेथ भ्याली पनि संसारको सबैभन्दा तातो ठाउँहरू मध्ये एक मानिन्छ । सन् १९१३ मा यहाँको अधिकतम तापक्रम ५६.७ डिग्री सेल्सियस थियो ।
यी ठाउँमा सर्वसाधारणलाई बस्न निकै गाह्रो हुन्छ । यहाँको गर्मी कसैलाई पनि बिरामी बनाउन पर्याप्त छ ।
